Այս մասին «Envoy» ամսագրին տված հարցազրույցում ասել է՝ Ադրբեջանի արտաքին գործերի նախարարության մամուլի քարտուղար Այխան Հաջիզադեն։

«Չնայած միջազգային ճնշումներից հետո Հայաստանը տրամադրել է որոշ քարտեզներ, դրանք ընդգրկել են ականապատ տարածքների միայն մի փոքր մասը և եղել են միայն 25 տոկոսով ճշգրիտ: Ականների պայթյունների վերջին դեպքերի ավելի քան 55 տոկոսը տեղի է ունեցել՝ այդ քարտեզներով չընդգրկված տարածքներում»,- ընդգծել է արտաքին քաղաքական գերատեսչության ներկայացուցիչը։

Նրա խոսքով, թեև Հայաստանի քարտեզները ցույց են տալիս ադրբեջանական տարածքներում մոտ 400 հազար ականների տեղակայում, սակայն իրական թիվը մոտենում է 1,5 միլիոնի։

«Հայաստանի այս մոտեցումը՝ ականային վտանգի համատեքստում հանդիսանում է ևս մեկ հետքայլ՝ հետկոնֆլիկտային շրջանում տարածաշրջանում խաղաղության և վստահության ամրապնդմանն ուղղված միջոցների ուղղությամբ։

Այս առումով, մենք հույժ կարևոր ենք համարում, որպեսզի միջազգային հանրությունը հետևողական միջոցներ ձեռնարկի՝ Հայաստանի կողմից եկող ականային սպառնալիքը դատապարտելու համար, և ակնկալում ենք, որ Երևանը կտրամադրի բոլոր ականապատ տարածքների ճշգրիտ քարտեզները, որոնք դեռ ամբողջությամբ չեն փոխանցվել Ադրբեջանին։ Չափազանց կարևոր է, որպեսզի Հայաստանը տրամադրի բոլոր ականապատ տարածքների ճշգրիտ քարտեզները ապահովելու՝ հարկադիր վերաբնակների անվտանգ վերադարձը և տուժած տարածաշրջանների վերականգնումը»,- նշել է նա։

Zinvor.info