Ինչպես հայտնում է Zinvor.info-ն, այս մասին ասվում է ԱԳՆ հայտարարության մեջ։

Հանդիպմանը դեսպանին խիստ բողոք է հայտնվել՝ կապված այն բանի հետ, որ Գերմանիայի նախագահ Ֆրանկ-Վալտեր Շտայնմայերի Հայաստան կատարած այցի ընթացքում՝ Instagram-ի պաշտոնական էջում տեղադրվել է Ադրբեջանի նախկին օկուպացված տարածքներում գործող անջատողական ռեժիմի «դրոշի» հրապարակումը։

Ընդգծվել է, որ այս բացահայտ քաղաքական սադրանքն անընդունելի է, և գերմանական կողմը պետք է հրապարակայնորեն ներողություն խնդրի դրա համար։

Հայտարարվել է, որ այս հրապարակումը հակասում է՝ Ադրբեջանի տարածքային ամբողջականությանն ու ինքնիշխանությանը և շարունակվող խաղաղ գործընթացին աջակցելու մասին գերմանական կողմի հայտարարություններին։ Ինչ վերաբերում է Ղարաբաղի տարածաշրջանի հայ բնակիչներին, ապա նշվել է, որ Ադրբեջանի նախկին օկուպացված տարածքներից և Հայաստանից բռնի տեղահանված ավելի քան մեկ միլիոն ադրբեջանցիների իրավունքների անտեսումը մեր երկրի նկատմամբ կանխակալ վերաբերմունքի ևս մեկ ցուցիչ է։ Գերմանական կողմի ուշադրությանն է ներկայացվել, որ Ադրբեջանը ռազմական և քաղաքական միջոցներով լուծել է շուրջ 30 տարի շարունակվող հակամարտությունը, վերականգնել է իր տարածքային ամբողջականությունն ու պատմական արդարությունը։

Ընդգծվել է, որ Ադրբեջանում «Լեռնային Ղարաբաղ» անունով վարչատարածքային միավոր չկա, և մեր տարածքների հիշատակիման ժամանակ անհրաժեշտ է խուսափել՝ գոյություն չունեցող և կեղծված անուններ օգտագործելուց։

Zinvor.info