Ինչպես հաղորդում է Zinvor.info-ն, այս մասին Չինաստանի գլոբալ հեռուստատեսային ցանցին (CGTN) տված հարցազրույցում ասել է՝ ԱՀ նախագահի օգնական Հիքմեթ Հաջիևը։

«Չինաստանը միշտ եղել է բարեկամական Ադրբեջանի հանդեպ։ Ադրբեջանի անկախություն ձեռք բերելուց ի վեր, մենք տեսել ենք Չինաստանի աջակցությունը... Մենք ունենք ամուր վճռականություն՝ զարգացնելու ադրբեջանա-չինական գործընկերությունն ու համագործակցությունը»,- ասել է նա։

Հաջիևը հավելել է, որ երկու երկրների միջև քաղաքական հարաբերությունները միշտ եղել են իդեալական՝ նշելով փոխըմբռնման և երկխոսության առկայությունը։

«Մասնավորապես, Ադրբեջանը միշտ աջակցել է «մեկ Չինաստանի» քաղաքականությանը։ Տնտեսական հարաբերությունների առումով Ադրբեջանն իր ազգային առաջնահերթություններից է համարել «կանաչ աճը» և թվային փոխակերպումը։

Ադրբեջանը նաև COP29-ի ընդունող երկիրն է: «Միջին միջանցքը» լրացուցիչ կարևորություն և նշանակություն է ստանում։ Այս բոլոր ոլորտներում, այդ թվում՝ մշակութային ոլորտում, համագործակցությունը միջազգային կառույցներում, Չինաստանի և Ադրբեջանի տեսակետներն ու տեսլականները համընկնում են։ Հիմնվելով ավանդական կապերի, համագործակցության և բարեկամության վրա՝ մենք սպասում ենք այս համագործակցության շարունակությանը»,- ասել է նա։