Բաքուն և Էր-Ռիադը քննարկել են պաշտպանության հարցեր

Բաքուն և Էր-Ռիադը քննարկել են պաշտպանության հարցեր

17:06 06 02 2024

Ադրբեջանի պաշտպանական արդյունաբերության նախարար Վուգար Մուստաֆաևը, ով մասնակցում է՝ Ռիադում (Սաուդյան Արաբիա) World Defense Show-2024 միջազգային պաշտպանական ցուցահանդեսին, այցի շրջանակներում մի շարք հանդիպումներ է անցկացրել։

Ինչպես Zinvor.info-ին հայտնել են պաշտպանական արդյունաբերության նախարարությունից, Վուգար Մուստաֆաևը հանդիպել է՝ Սաուդյան Արաբիայի պաշտպանության փոխնախարար Աբդուլռահման բին Մոհամմադ բին Աբդուլազիզ բին Այաֆ ալ Մուհրինիի հետ։ Հանդիպմանը քննարկվել են՝ պաշտպանական արդյունաբերության ոլորտում Ադրբեջանի և Սաուդյան Արաբիայի համագործակցության հնարավորությունները, ընդգծվել է փորձի փոխանակման հետաքրքրվածությունը։

Վուգար Մուստաֆաևը հանդիպել է նաև՝ Իրաքի պաշտպանական արդյունաբերության կոմիտեի ղեկավար Մուստաֆա Աթի Հասանի, Իրաքի վարչապետի խորհրդական Մոհամմադ Ալ Դարաջի և իսպանական Escribano Mechanical and Engeenering ընկերության ղեկավարության հետ։ Հանդիպումների ընթացքում մտքեր են փոխանակվել՝ առկա համագործակցության զարգացման և փոխադարձ հետաքրքրություն ներկայացնող այլ հարցերի շուրջ։

Zinvor.info

Zinvor.info

Հեշթեգներ. Ադրբեջան WorldDefenseShow-2024

Նման լուրեր