Ինչպես հաղորդում է Zinvor.info-ն, այս մասին ասվում է՝ Ադրբեջանի Անվտանգության խորհրդի քարտուղար Ռամիլ Ուսուբովի՝ պաշտոնական մամուլում հրապարակված հոդվածում։

Նրա խոսքով, Ադրբեջանի Զինված ուժերի կողմից իրականացված հաջող գործողությունները, ինչպիսիք են «Վրեժը» և «Վճռական պատասխանը», ինչպես նաև ադրբեջանա-հայկական սահմանի Լաչինի շրջանում սահմանային անցակետի բացումը, հստակ ցույց տվեցին «երկաթե բռունցքի» ուժը:

«Միևնույն ժամանակ, տեղական հակաահաբեկչական միջոցառումները հանգեցրին անջատողական ռեժիմի լիակատար փլուզմանը և «գորշ գոտու» վերջնական վերացմանը»,- ասվում է հոդվածում։

Ռ.Ուսուբովն ընդգծել է, որ Ադրբեջանի դրոշն այժմ ծածանվում է Ղարաբաղի տարածաշրջանի ողջ տարածքում։ Նա նշել է, որ նախկին «գորշ գոտու» ականազերծման և զինաթափման գործընթացը հաջողությամբ շարունակվում է։

«Բաքվի բանտերում ցուցմունքներ են տալիս քրեական պատասխանատվության ենթարկված արկածախնդիրները. Հայ բնակիչները դադարեցին լինել անջատողական ռեժիմի պատանդը և ազգայնականության գաղափարախոսության կողմնակիցները և վերջապես հնարավորություն ստացան ապրել հանգիստ, առանց վախի, բարեկեցության մեջ։ Ադրբեջանի պետությունը նրանց պատմական հնարավորություն է տվել քաղաքացիություն ստանալու և ադրբեջանական հասարակությանը վերաինտեգրվելու գործընթաց սկսելու համար»,- նշվում է հոդվածում։

Zinvor.info