Ինչպես հաղորդում է Zinvor.info-ն, այս մասին ասել է փոխարտգործնախարար Ֆարիզ Ռզաևը, ելույթ ունենալով՝ «Անհետ կորածների ճակատագիրը պարզելու ազգային և համաշխարհային ջանքերի ուժեղացում» թեմայով միջազգային համաժողովում։

Փոխնախարարը նշել է, որ անհետ կորածների ընտանիքների անդամներն իրավունք ունեն տեղեկություններ ստանալ նրանց ճակատագրի մասին.

«Այս որոշումը երկրների պարտավորությունն է համագործակցության շրջանակներում։ Մենք փորձում ենք հիմնովին լուծել անհետ կորածների հարցը: Միջազգային իրավունքի քարոզումը, Ժնևի կոնվենցիան և լրացուցիչ արձանագրությունները նույնպես արտացոլում են անհետ կորած անձանց վերաբերյալ դրույթները: Մարդկանց ապօրինի պատանդ վերցնելը հակասում է մարդու իրավունքներին: Վիճակագրությունը ցույց է տալիս, որ անհետ կորածների թիվն աշխարհում օրեցօր ավելանում է։ Վերջին 5 տարիների ընթացքում անհետ կորածների թիվը կրկնապատկվել է: Կարևոր է բացահայտել անհետ կորածներին և արտաշիրիմել նրանց աճյունները: Հիմնական խնդիրը զանգվածային գերեզմանների հասանելիությունն է այն տարածքներում, որտեղ ականներ կան: Հայաստանը, ցավոք, չի պատասխանել, թեև մենք մի քանի անգամ հանդես ենք եկել անհետ կորածների գտնվելու վայրը պարզելու նախաձեռնությամբ։ Միջազգային կազմակերպությունները պետք է կատարեն անհետ կորածների հետ կապված իրենց պարտավորությունները»։

Zinvor.info