Zinvor.info-ն հայտնում է, որ Ադրբեջանի քաղաքացիական հասարակության ներկայացուցիչները, դիմելով ՄԱԿ-ի գլխավոր քարտուղար Անտոնիո Գուտերիշին, ՄԱԿ-ի Գլխավոր ասամբլեայի նախագահ Չաբա Քերեշիին, ՄԱԿ-ի Մարդու իրավունքների խորհրդի նախագահ Վացլավ Բալեկին, ՄԱԿ-ի Մարդու իրավունքների գերագույն հանձնակատար Ֆոլքեր Թյուրքին, Եվրախորհրդի և ԵՄ կառույցների ղեկավարներին, կոչ են արել նրանցից յուրաքանչյուրին՝ աջակցություն ցուցաբերել Ադրբեջանի Հանրապետության տարածքում Հայաստանի կողմից ստեղծված ականային սպառնալիքի արագ վերացմանը։

«Ադրբեջանը զբաղեցնում է առաջին տեղերից մեկը ականներով և չպայթած զինամթերքով ամենից շատ աղտոտված երկրների շարքում։ Նախնական տվյալներով՝ օկուպացիայի ժամանակաշրջանում Հայաստանը ադրբեջանական հողերի վրա տեղադրել է ավելի քան 1 միլիոն ական։

Մենք զգում ենք ականների և չպայթած զինամթերքի ներկայացրած իրական սպառնալիքը մեր ամենօրյա գործունեության մեջ: 2020 թվականի 44-օրյա պատերազմից հետո օկուպացիայից ազատագրված տարածքներում ականների զոհ է դարձել 303 մարդ։ Նրանցից 55-ը զոհվել է, մնացածները ստացել են տարբեր ծանրության վնասվածքներ։ Զոհերի թվում կան 9 երեխաներ ու դեռահասներ և 2 կին։ 1991 թվականից ի վեր Հայաստանի կողմից տեղադրված ականների զոհերի ընդհանուր թիվը մոտեցել է 3400-ի։

Ադրբեջանի կառավարությունը, օգտագործելով բոլոր ռեսուրսները, ականազերծման գործողություններ է անցկացնում օկուպացիայից ազատագրված տարածքներում։ Մոտ 1 միլիոն հարկադիր վերաբնակներ անհամբեր սպասում են իրենց հարազատ հողեր անվտանգ վերադարձին: Դրանց վերադարձի համար այս տարածքները պետք է հնարավորինս արագ ականազերծվեն, ուստի միջազգային կառույցների աջակցության մեծ կարիք կա»,- ասվում է դիմումում։