Ինչպես հաղորդում է Zinvor.info-ն, այս մասին Թուրքիայի արտգործնախարար Հաքան Ֆիդանի հետ համատեղ մամուլի ասուլիսի ժամանակ հայտարարել է՝ Ադրբեջանի արտգործնախարար Ջեյհուն Բայրամովը։

Նախարարը նշել է, որ, չնայած Հայաստանի կողմից կատարված բոլոր անօրինություններին, մեր հողերը օկուպացիայից ազատագրելուց կարճ ժամանակ անց, նախագահ Իլհամ Ալիևը, բաց հայտարարություն անելով, նշեց, որ մենք պատրաստ ենք փակել թշնամության էջը և խաղաղության պայմանագիր ստորագրել Հայաստանի հետ։

«Միևնույն ժամանակ, Ադրբեջանն աջակցել է Թուրքիայի և Հայաստանի միջև հարաբերությունների կարգավորման գործընթացին։ Ադրբեջանը ցանկություն է հայտնել այս տարածաշրջանը դարձնել պատերազմներից զերծ տարածաշրջան։ Իսկ Հայաստանի դիրքորոշումը կասկածանք է առաջացնում: Հայաստանը 13 ամիս չի պատասխանել խաղաղության պայմանագրի կնքման Ադրբեջանի կոչին։ Իսկ 2022 թվականի հոկտեմբերին կայացավ խաղաղության բանակցությունների առաջին փուլը։ Ներկայումս բանակցությունները շարունակվում են։ 44-օրյա Հայրենական պատերազմի ավարտից հետո Հայաստանի վարչապետից պահանջվեց 2 ու կես տարի՝ Ադրբեջանի տարածքային ամբողջականության և ինքնիշխանության մասին հայտարարելու համար։ Մենք կարծում ենք, որ այդքան շատ ժամանակ չի պահանջվի, որպեսզի այս բառն արտացոլվի փաստաթղթում»,- հավելել է Ջեյհուն Բայրամովը։