Zinvor.info-յի փոխանցմամբ՝ այս մասին հայտարարել է Ադրբեջանի արտգործնախարար Ջեյհուն Բայրամովը։ Նա նշել է, որ մինչ Հայրենական պատերազմը Ադրբեջանը Ֆրանսիային և Մինսկի խմբի մյուս համանախագահող երկրներին տեղեկացրել է իր հողերի օկուպացիայի, փախստականների և ներքին տեղահանվածների, ադրբեջանական հողերի ապօրինի բնակեցման, բնական ռեսուրսների թալանի մասին։
«Բայց նրանց պատասխանն այն էր, որ քանի որ միջնորդ են, պետք է չեզոք լինեն։ Նրանք հայտարարում էին՝ «ինքներդ լուծեք խնդիրը և մենք կաջակցենք»։ Բայց 2020 թվականից հետո Ֆրանսիայի դիրքորոշումը մեր երկրի նկատմամբ 180 աստիճանով փոխվեց։ Մենք Ֆրանսիայի նման պահվածքը դիտարկում ենք որպես երկակի չափանիշների դասական դրսևորում։ Սա անընդունելի և անարդար մոտեցում է։
Ֆրանսիան քաջատեղյակ է, որ ներկայումս Ադրբեջանի 8 գյուղ գտնվում է Հայաստանի ռազմական վերահսկողության տակ։ Այս առնչությամբ Ֆրանսիայից Հայաստանի հասցեին որևէ կոչ չի հնչել։ Ֆրանսիայի ոչ մի ներկայացուցիչ նախաձեռնություն չի ցուցաբերել այցելել այս 8 բնակավայրեր՝ տեղում իրավիճակին ծանոթանալու համար»,- հայտարարել է Ջեյհուն Բայրամովը։