Ադրբեջանի ԱԳՆ ղեկավարը հեռախոսազրույց է ունեցել ԱՄՆ պետքարտուղարի օգնականի պաշտոնակատարի հետ
|
|
Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել Եվրոպայի և Եվրասիայի հարցերով ԱՄՆ պետքարտուղարի օգնականի պաշտոնակատար Դերեկ Հոգանի հետ:
|
Այս մասին Zinvor.info-յին հայտնել են Ադրբեջանի արտաքին գործերի նախարարությունից։
Նշվում է, որ հեռախոսազրույցի ընթացքում քննարկվել են ադրբեջանա-ամերիկյան համագործակցության արդիական հարցեր, իրավիճակը տարածաշրջանում, այդ թվում՝ Հայաստանի և Ադրբեջանի միջև խաղաղության օրակարգը։
Նախարար Ջեյհուն Բայրամովը, խոսելով տարբեր ոլորտներում Ադրբեջանի և ԱՄՆ-ի միջև համագործակցության երկկողմ և բազմակողմ օրակարգի մասին, նշել է փոխադարձ շփումների կարևորությունը հարաբերությունների զարգացման գործում։ Ադրբեջանի արտգործնախարարն ուշադրություն է հրավիրել հետկոնֆլիկտային շրջանում տարածաշրջանում տիրող իրավիճակի վրա։ Նա ընդգծել է, որ Հայաստանի կողմից պարբերաբար ռազմաքաղաքական սադրանքներ են իրականացվում, որոնք խաթարում են Ադրբեջանի խաղաղ և կառուցողական ջանքերը։ Մասնավորապես նշվել է, որ Հայաստանը դեռևս դուրս չի բերել իր զինված ուժերը Ադրբեջանի տարածքից, խոչընդոտում է Ադրբեջանի՝ հայ բնակչությանը վերաինտեգրելու ջանքերին, դեմ է Լաչինի ճանապարհի չարաշահումները կանխելու համար սահմանային անցակետ ստեղծելու առաջարկին։
Բայրամովը ընդգծել է, որ չնայած Հայաստանի կողմից ձեռնարկվող ոչ կառուցողական քայլերին, Ադրբեջանը վճռական է շարունակելու ջանքերը խաղաղության օրակարգն առաջ մղելու համար։
Դերեկ Հոգանը նշել է, որ տարածաշրջանում կայուն խաղաղություն և անվտանգություն հաստատելու համար կարևոր է հաջողությամբ ավարտել Ադրբեջանի և Հայաստանի միջև հարաբերությունների կարգավորման գործընթացը և բանակցությունների միջոցով լուծել առկա խնդիրները։ Նա նշել է, որ ԱՄՆ-ը պատրաստ է աջակցել խաղաղության գործընթացին։
Հեռախոսազրույցի ընթացքում մտքերի փոխանակություն է տեղի ունեցել նաև փոխադարձ հետաքրքրություն ներկայացնող այլ հարցերի շուրջ։
Նման լուրեր
Լրահոս
-
Բայդենը նամակ է հղել Ադրբեջանի նախագահին -
Բաքուն և Բիշքեկը քննարկել են պաշտպանական արդյունաբերության ոլորտում համագործակցությունը -
Իլհամ Ալիևն ընդունել է Բայդենի հատուկ օգնականին -
32 տարի անց Շուշայում երեխա է ծնվել -
Մինջիվան ավանի ազատագրումից անցել է 4 տարի -
Սիմոնյանը խոստովանել է, որ Ադրբեջանը գործել է ՄԱԿ-ի բանաձևերի հիման վրա -
Թուրքիայի ԱԳՆ-ն հայտարարել է Հարավային Կովկասում խաղաղություն ապահովելու աշխատանքները շարունակելու մասին -
Պաշտոնական Բաքուն պատասխանել է ֆրանսիացի նախարարին -
«3+3» ձևաչափի մասնակիցները հաստատել են, որ հարթակի դռները բաց են Վրաստանի համար -
Էրդողանն ընդունել է Ադրբեջանի, Ռուսաստանի, Իրանի և Հայաստանի ԱԳՆ ղեկավարներին -
ԱԳՆ. Բաքուն և Երևանը պայմանավորվել են ավելի շատ ջանքեր գործադրել հնարավորինս շուտ խաղաղության հասնելու համար -
Քննարկվել են Ադրբեջանի և Իտալիայի ռազմական համագործակցության հարցերը