Ցուցարարները վանկարկում են՝ «Վերջ տալ էկոլոգիական տեռորին», «Վերջ տալ բնապահպանական հանցագործություններին» կարգախոսները։

Հիշեցնենք, որ Ադրբեջանի ոչ կառավարական կազմակերպությունների (ՈԿԿ) ներկայացուցիչները բողոքի ակցիա են անցկացնում Շուշա քաղաքի մերձակայքում գտնվող ռուս խաղաղապահների դիրքի մոտ՝ ադրբեջանական հանքավայրերի ապօրինի շահագործման վերաբերյալ իրավիճակի հետ կապված մոնիտորինգ անկացնելու համար՝ ադրբեջանցի մասնագետներին տարածք մուտք գործելը թույլ չտալու դեմ:

Նշենք, որ 2022 թվականի դեկտեմբերի 3-ին և 7-ին՝ ռուսական խաղաղապահ կոնտինգենտի հրամանատարության հետ կայացած բանակցությունների արդյունքներով՝ Ադրբեջանի տնտեսության նախարարության, Էկոլոգիայի և բնական պաշարների նախարարության, տնտեսության նախարարությանն առընթեր Գույքի հարցերով պետական ծառայության և «ԱզերԳոլդ» ՓԲԸ-ի մի խումբ մասնագետներ ևդեկտեմբերի 10-ին պատրաստվում էին նախնական մոնիտորինգ սկսել՝ կապված Ադրբեջանի տարածքում օգտակար հանածոների հանքավայրերի ապօրինի շահագործման իրավիճակի, ինչպես նաև դրա առաջացող բնապահպանական և այլ հետևանքների հետ, որտեղ ժամանակավոր տեղակայվել է ռուսական խաղաղապահ զորախումբը: Նախատեսվում էր ստուգել օգտակար հանածոների հանքավայրերը, մասնավորապես՝ Գիըլբուլագի ոսկու հանքավայրը և Դեմիրլիի պղնձամոլիբդենային հանքավայրը, մշտադիտարկում անցկացնել տարբեր տարածքներում, կազմակերպել գույքի կադաստրային գրանցում, գնահատել շրջակա միջավայրին, ստորգետնյա և մակերևութային ջրերի աղբյուրներին հնարավոր վնասներն ու ռիսկերը: Սակայն, չնայած ռուսական խաղաղապահների ուղեկցությամբ խմբի ժամանմանը դիտարկման տարածք, այն բախվեց երկու ուղղություններով սադրանքների։ Այսպիսով, պլանավորված նախնական ստուգումն ու դիտարկումը չկայացան այն պատճառով, որ ռուս խաղաղապահները ոչ միայն դրա համար անհրաժեշտ պայմաններ չեն ստեղծել, այլև մասնակցել են այդ գործընթացի միտումնավոր խախտմանը։