Ինչպես
Zinvor.info-յին հայտնել են ԱԳՆ-ից, հանդիպմանը քննարկվել են երկկողմ և բազմակողմ օրակարգի արդիական հարցեր, ինչպես նաև տարածաշրջանային և միջազգային իրավիճակը։
Ջեյհուն Բայրամովը նշել է, որ դիվանագիտական հարաբերությունների հաստատումից հետո անցած 30 տարիների ընթացքում երկու երկրների միջև հարաբերությունները զարգացել են տարբեր ուղղություններով, հատկապես էներգետիկայի, նավթային և գազային արդյունաբերության ոլորտներում։
Նախարարը իր զրուցակցին տեղեկացրել է նաև հետհակամարտային շրջանում տարածաշրջանային իրավիճակի, տարածաշրջանում Ադրբեջանի խաղաղարար և կառուցողական ջանքերի, հայկական կողմի սադրանքների, 2020 թվականի նոյեմբերի 10-ի եռակողմ հայտարարությունից բխող պարտավորությունների չկատարման մասին։
Նախարար Անիկեն Վիթֆելդը նշել է, որ երկու երկրների միջև դիվանագիտական հարաբերությունների հաստատման 30-ամյակի կապակցությամբ այս տարի անցկացված միջոցառումները նպաստել են համագործակցության հետագա ընդլայնմանը։