Ինչպես հաղորդում է
Zinvor.info-ն, Սպիտակ տան Բլեր Հաուսի պատմական պաշտոնական հյուրատանը պետքարտուղարության նախաձեռնությամբ տեղի ունեցած հանդիպմանը՝ Է.Բլինկենը շնորհակալություն է հայտնել Հայաստանի և Ադրբեջանի արտգործնախարարների «համարձակ քայլերի» համար. «Ներկայումս այն, ինչ մենք տեսնում ենք, հետևյալն է. «Սրանք իրական և համարձակ քայլեր են երկու երկրների համար՝ անցյալը թիկունքում թողնելու և կայուն խաղաղության հասնելու համար: Որպես Հայաստանի և Ադրբեջանի բարեկամ՝ Միացյալ Նահանգները վճռական է ամեն ինչ անելու աջակցել ձեզ այս ջանքերում»:
Է.Բլինկենն ասել է, որ բանակցությունները հիմնվելու են՝ Նյու Յորքում ՄԱԿ-ի Գլխավոր ասամբլեայի նիստերի և Հայաստանի, Ադրբեջանի ու Միացյալ Նահանգների պաշտոնատար անձանց միջև անցկացված այլ բանակցությունների վրա։