Ինչպես Zinvor.info-յին հայտնել են ԱԳՆ-ից, նախարար Ջեյհուն Բայրամովը ելույթ է ունեցել սահմանափակ ձևաչափով նիստում:

Նախարար Ջեյհուն Բայրամովը նիստի մասնակիցներին տեղեկացրել է 44-օրյա պատերազմից հետո տարածաշրջանում ստեղծված նոր իրողությունների ֆոնին առկա իրավիճակի մասին, այդ թվում՝ Ադրբեջանի և Հայաստանի միջև խաղաղ գործընթացի առաջընթացին առնչվող հարցերի շուրջ։ Նա նշել է, որ հակամարտության ավարտը նոր հնարավորություններ է ստեղծում տարածաշրջանում երկարաժամկետ խաղաղության և կայունության հասնելու համար՝ տնտեսական և ենթակառուցվածքային կապերի վերականգնման միջոցով։ Մասնավորապես նշվել է, որ Զանգեզուրի միջանցքի բացումից հետո, որը կծառայի տարածաշրջանում տարանցիկ հնարավորությունների ավելացմանն ու ընդհանրապես ներդրումային միջավայրի ամրապնդմանը, տարածաշրջանի նշանակությունը կմեծանա։

Նախարարը պատմել է ազատագրված տարածքներում Ադրբեջանի կառավարության կողմից իրականացվող լայնածավալ շինարարական աշխատանքների, հարկադիր վերաբնակների իրենց տներ վերադարձն ապահովելու ուղղությամբ տարվող ակտիվ աշխատանքի մասին։ Հանդիպման մասնակիցներին տեղեկացվել է, որ կարճ ժամանակում կատարված աշխատանքի մասշտաբը ցույց կտա Ադրբեջանի հավատարմությունը ազատագրված հողերի վերականգնմանն ու զարգացմանը, ինչն իր հերթին լուրջ ավանդ կներդնի տարածաշրջանի հետհակամարտային կայունության մեջ։