Zinvor.info-յի փոխանցմամբ, այս մասին մամուլի ասուլիսի ժամանակ հայտարարել է՝ ԱՄՆ Պետդեպարտամենտի պաշտոնական ներկայացուցիչ Նեդ Փրայսը։
Փրայսը հիշեցրել է՝ Նյու Յորքում ԱՄՆ պետքարտուղար Էնթոնի Բլինկենի եռակողմ հանդիպումը Ադրբեջանի և Հայաստանի արտգործնախարարների հետ՝ ընդգծելով, որ սա նման ձևաչափով առաջին հանդիպումն էր վերջին ռազմական գործողություններից, ինչպես նաև՝ Ադրբեջանի և Հայաստանի արտգործնախարարների հետ պետքարտուղարի վերջին հեռախոսազանգերից հետո:
Նա ասել է, որ ԱՄՆ Պետդեպարտամենտի Կովկասում բանակցությունների գծով ավագ խորհրդական Ֆիլիպ Ռիկերն ամենօրյա կապի մեջ է ինչպես հայկական, այնպես էլ ադրբեջանական կողմերի հետ։
«Ես չեմ կարող կոնկրետ արդյունք խոստանալ, բայց կարող եմ խոստանալ, որ դա մեզ համար առաջնահերթություն է մնալու», - հավելել է Պետդեպարտամենտի ներկայացուցիչը։