Ինչպես հաղորդում է
Zinvor.info-ն՝ հղում անելով Ղրղզստանի նախագահի պաշտոնական կայքին, ելույթ ունենալով ընդլայնված կազմով նիստում՝ Ղրղզստանի Հանրապետության նախագահ Սադիր Ժապարովը ջերմորեն ողջունել է Իլհամ Ալիևի գլխավորած ադրբեջանական պատվիրակությանը, նշել է, որ Ղրղզստանը հատուկ նշանակություն է տալիս այս այցին՝ որպես Ղրղզստանի և Ադրբեջանի միջև ռազմավարական գործընկերության տրամաբանական շարունակություն։
«Մեր առջև խնդիր է դրված որոշել մեր ռազմավարական նպատակները, կազմել գործողությունների ալգորիթմ, ինչպես նաև ապագայում մեր փոխգործակցության ուղղությունների, բովանդակության և բնույթի պարամետրերը։
Մենք պատրաստ ենք միջպետական հարաբերությունները պահպանել բարձր մակարդակի վրա, ակտիվացնել բոլոր շփումները համագործակցության առկա և ապագա մեխանիզմների շուրջ»,- ասել է նա։
Սադիր Ժապարովը հավելել է, որ նեղ կազմով հանդիպմանը քննարկվել են երկկողմ համագործակցության բազմաթիվ կարևոր հարցեր, նշվել են դրա հիմնական ուղղություններն ու առաջնահերթությունները։