Ինչպես հայտնում է Zinvor.info-ն՝ հղում անելով պետության ղեկավարի կայքին, նախագահ Իլհամ Ալիևը դիմավորել է Մոլդովայի վարչապետ Նատալյա Գավրիլիցային։

Հետո միասին լուսանկարվել են։

Ելույթ ունենալով հանդիպմանը` Ադրբեջանի նախագահ Իլհամ Ալիևն ասել է.

- Բարի գալուստ, տիկին վարչապետ։ Շատ ուրախ եմ Ձեզ տեսնելու համար։ Շնորհակալություն Ադրբեջան այցելելու համար։ Վստահ եմ, որ այցը շատ հաջող կլինի, և մենք կամրապնդենք մեր համագործակցությունը։ Դուք գիտեք, որ Ադրբեջանն ու Մոլդովան բարեկամ և գործընկեր երկրներ են։ Վստահ եմ, որ առաջիկա տարիներին մենք կաշխատենք մեր համագործակցության ինտենսիվացման ուղիների վրա, քանի որ նման լավ քաղաքական հարաբերությունների հետ մեկտեղ մենք միանշանակորեն պետք է ուսումնասիրենք հնարավորություններն այլ ոլորտներում։ Հավատում եմ, որ Ձեր այցի ընթացքում այս հարցերը լրջորեն կքննարկվեն, և մենք կտեսնենք առևտրային համագործակցության և տնտեսական փոխգործակցության ավելի մեծ աշխուժացում։ Համոզված եմ, որ երկկողմ առևտրի մակարդակը բարձրացնելու մեծ ներուժ կա։

Իհարկե, ներկա պահին համաշխարհային օրակարգի կարևոր հարցերից մեկն էլ էներգետիկ անվտանգությունն է։ Մենք արդեն մեր ներկայացուցիչների միջոցով աշխատել ենք այս հարցերի շուրջ։ Իհարկե, մենք կքննարկենք նաև ներկա իրավիճակը, թե Անշուշտ, մենք կքննարկենք ստեղծված իրավիճակը և այն, թե ինչ աշխատանքներ են տարվելու այդ ոլորտներում համագործակցություն սկսելու համար։ Կան բազմաթիվ այլ ոլորտներ, և ես կարծում եմ, որ մեծ հնարավորություններ կլինեն մեր երկկողմ օրակարգն ընդլայնելու համար։

Իհարկե, հաշվի առնելով քաղաքական շատ ամուր կապերը, դրանք պետք է լինեն: Մի քանի օր առաջ ես հնարավորություն ունեցա Պրահայում հանդիպելու տիկին նախագահի հետ։ Գիտեք, որ նախկինում էլ հանդիպումներ ենք ունեցել, հեռախոսազրույցներ էլ ենք ունեցել։ Մի խոսքով, լավ գործարար հարաբերություններ են հաստատվել։ Վստահ եմ, որ Դուք էլ լավ գործարար հարաբերություններ կհաստատեք Ձեր ադրբեջանցի գործընկերոջ հետ՝ մեր գործընկերությունը առաջ տանելու համար։ Եվս մեկ անգամ բարի գալուստ Ադրբեջան։