Ինչպես հաղորդում է
Zinvor.info-ն՝ վկայակոչելով ԱՀ ԱԳՆ մամուլի ծառայությանը, Ջեյհուն Բայրամովի նախագահությամբ հանդիպմանը մասնակցել են Չմիավորման շարժման շուրջ 50 երկրների արտաքին քաղաքական գերատեսչությունների ղեկավարներ, փոխնախարարներ և ՄԱԿ-ին առընթեր մշտական ներկայացուցիչներ: Նիստը նվիրված էր հետհամաճարակային շրջանում գլոբալ իրավիճակին և Չմիավորման շարժման խնդիրներին։
Նախարարը նիստի մասնակիցներին տեղեկացրել է 44-օրյա Հայրենական պատերազմից հետո օկուպացիայից ազատված ադրբեջանական տարածքներում իրականացվող վերականգնողական աշխատանքների և խաղաղապահ նախաձեռնությունների մասին։ Նշվել է, որ Ադրբեջանը Հայաստանին առաջարկել է խաղաղության պայմանագիր կնքել՝ հիմնված միջազգային իրավունքի նորմերի ու սկզբունքների վրա։ Ադրբեջանի արտաքին քաղաքականության գերատեսչության ղեկավարն ընդգծել է, որ սեպտեմբերի 12-ին Հայաստանի զինված ուժերի նախաձեռնած հերթական սադրանքները խոչընդոտ են տարածաշրջանում խաղաղության հաստատման ջանքերին։ Ընդգծվել է, որ Ադրբեջանը շահագրգռված չէ ապակայունացմամբ և շարունակելու է խաղաղություն ապահովելու իր ջանքերը։