Այս մասին Zinvor.info-յին հայտնել են Ադրբեջանի արտաքին գործերի նախարարությունից։

Հանդիպման ընթացքում նախարար Բայրամովը ուշադրություն է հրավիրել՝ հետհակամարտային շրջանում տարածաշրջանում խաղաղություն ապահովելու Ադրբեջանի դիրքորոշման և այդ ուղղությամբ անհրաժեշտ քայլերի վրա։

Բայրամովն ընդգծել է, որ սեպտեմբերի 12-14-ը Հայաստանը, սադրանքներ և հարձակումներ իրականացնելով Ադրբեջանի վրա, հրահրել է բախումներ, ինչպես նաև այն, որ Հայաստանը խախտել է մի քանի ժամվա ընթացքում ձեռք բերված հրադադարի նախնական պայմանավորվածությունը, ինչը բերել է լրացուցիչ կորուստների։ Նա նշել է, որ Ադրբեջանը շահագրգռված չէ տարածաշրջանում իրավիճակի ապակայունացմամբ՝ որպես տարածաշրջանում լայնածավալ վերականգնման աշխատանքներ իրականացնող և այնտեղ նախկին հարկադիր վերաբնակներին տեղավորող կողմ։

Նախարարը հիշեցրել է, որ չնայած Ադրբեջանի միջազգայնորեն ճանաչված տարածքների 30 տարվա օկուպացիայի ծանր հետևանքներին, Բաքուն առաջարկ է արել՝ 44-օրյա Հայրենական պատերազմից անմիջապես հետո կնքել խաղաղության պայմանագիր և հետևողականորեն նախաձեռնություններ է ձեռնարկում այդ ուղղությամբ։ Նրա խոսքով, չնայած Ադրբեջանի ջանքերին՝ Հայաստանի հետ հարաբերությունների կարգավորման, հաղորդակցությունների բացման, սահմանների սահմանազատման և սահմանագծման, ինչպես նաև մարդասիրական ուղղությամբ, Հայաստանը խոչընդոտում է գործընթացները և կոպտորեն խախտում եռակողմ հայտարարությունների շրջանակներում իր ստանձնած պարտավորությունները։