Վրաստանում ադրբեջանցիների և հայերի խաղաղ գոյակցությունը դրական օրինակ է ողջ Կովկասի համար. Զուրաբիշվիլի
Ինչպես հաղորդում է
Zinvor.info-ն, այս մասին հայտարարել է Վրաստանի նախագահ Սալոմե Զուրաբիշվիլին ՀՀ նախագահ Վահագն Խաչատուրյանի հետ համատեղ ճեպազրույցում։
Զուրաբիշվիլին ասել է, որ հայ գործընկերոջ հետ քննարկել են տրանսպորտի և բարձր տեխնոլոգիաների ոլորտում առկա հարաբերությունների և համագործակցության զարգացման հարցեր։
«Երկու կողմերն էլ շատ շահագրգռված են տարածաշրջանի տարանցիկ ներուժով, նոր ենթակառուցվածքային ցանցերով և էներգետիկ երթուղիներով, և մենք պետք է միասին աշխատենք այս ուղղությամբ», - ասել է Վրաստանի նախագահը: