Ինչպես հաղորդում է
Zinvor.info-ն՝ վկայակոչելով Ադրբեջանի ԱԳՆ-ին, փոխարտգործնախարար Խալաֆ Խալաֆովը դեսպանին բողոք է ներկայացրել Փարիզի քաղաքապետ Անն Իդալգոյի՝ մայիսի 27-ին Ադրբեջանի տարածքում ստեղծված ապօրինի կառույցի ներկայացուցչի հետ հանդիպման կապակցությամբ։
Դեսպանին ասել են, որ ֆրանսիացի պաշտոնյայի կողմից Ադրբեջանի տարածքային ամբողջականության դեմ ձեռնարկված այս քայլը ակնհայտորեն հակասում է Ֆրանսիայի օրենսդրությանը և երկրի միջազգային պարտավորություններին, ինչպես նաև վնասում է ադրբեջանա-ֆրանսիական հարաբերությունները։
Ընդգծվել է, որ Փարիզի քաղաքապետի այս անօրինական և անպատասխանատու պահվածքը համահունչ չէ պատերազմից հետո տարածաշրջանում խաղաղության և վստահության հաստատման միջոցառումներին։