Երկուշաբթի օրը՝ փետրվարի 9-ին, Ադրբեջանի նախագահ Իլհամ Ալիևն ընդունել է Ամերիկյան հրեական առաջատար կազմակերպությունների նախագահների համաժողովի նախագահ Բեթսի Բերնս Քորնի գլխավորած պատվիրակությանը: Այս մասին հայտնում է Ադրբեջանի նախագահի մամուլի ծառայությունը:

Ռուսական կողմը պատրաստ է Երևանի հետ քննարկել TRIPP նախագծին Մոսկվայի հնարավոր մասնակցության պարամետրերը։ Այս մասին «Իզվեստիա»-ին հայտնել է ՌԴ արտաքին գործերի նախարարի տեղակալ Միխայիլ Գալուզինը:

Հայաստանի խորհրդարանի խոսնակ Ալեն Սիմոնյանը չի պատկերացնում Ռուսաստանի մասնակցությունը TRIPP նախագծին:

ԱՄՆ դեսպանատունը Ադրբեջանում հայտարարություն է տարածել ԱՄՆ փոխնախագահ Ջեյմս Դեյվիդ Վենսի Բաքու կատարելիք այցի վերաբերյալ՝ ընդգծելով, որ այցի նպատակը Հարավային Կովկասում խաղաղության և կայունության աջակցությունն է։

Սլովակիան և Ադրբեջանը ականանետների մատակարարման պայմանագիր են կնքել, հաղորդում են Սլովակիայի լրատվամիջոցները։

Ադրբեջանի նախագահ Իլհամ Ալիևը հանդիպել է Ամերիկյան հրեական առաջատար կազմակերպությունների նախագահների համաժողովի (Conference of Presidents of Major American Jewish Organizations) պատվիրակության հետ, որը գլխավորում է Բեթսի Բեռնս Քորնը:

Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը կմեկնեն Վաշինգտոն՝ Դոնալդ Թրամփի «Խաղաղության խորհրդի» գագաթնաժողովին մասնակցելու համար։ Այս մասին X սոցիալական ցանցում գրել է ԱՄՆ-ում բնակվող ադրբեջանցի լրագրող Ալեքս Ռաուֆօղլուն։

Այս պահի դրությամբ, եթե Որոտանի հիդրոկասկադի 120 մլն վարկային ներդրումը, որն ընթացքի մեջ է, գումարենք TRIPP—ը՝ մոտ 200 մլն դոլար, գումարենք NVIDIA–ն, որը 500 և ավելի մլն դոլար է, գումարենք ատոմային էներգետիկան, ապա մեկ մլրդ դոլարի ներդրումային ծրագրեր կան, որոնք շատ շոշափելի են, մի մասը նույնիսկ ընթացքի մեջ են։ Այս մասին, այսօր՝ փետրվարի 9–ին, ԱԺ–ում լրագրողների հետ զրույցում նշեց էկոնոմիկայի նախարար Գևորգ Պապոյանը։

ԱՄՆ փոխնախագահ Ջեյ Դի Վենսի սպասվող այցը Հայաստան և Ադրբեջան ուշագրավ է ոչ միայն այն ուղղություններով, որոնցով նա մեկնում է, այլև հենց այցի փաստով։ Associated Press-ի տվյալներով՝ ակնկալվում է, որ Վենսը Բաքու և Երևան կժամանի փետրվարի 9-ին։ Այցի նպատակն է վերահաստատել ԱՄՆ աջակցությունը Ադրբեջանի և Հայաստանի միջև խաղաղության համաձայնագրին, որը ձեռք է բերվել անցյալ տարի Սպիտակ տան միջնորդությամբ։ Մեկնաբանելով այցի նշանակությունը՝ ԱՄՆ Պետդեպարտամենտի նախկին աշխատակից Փոլ Գոբլը նախևառաջ մատնանշում է ավելի լայն տարածաշրջանային համատեքստը։

ԱՄՆ փոխնախագահ Ջեյ Դի Վենսի խոսնակը «Ազատության» Վաշինգտոնի թղթակցին հայտնել է, որ Վենսը Հայաստան կայցելի փետրվարի 9-10-ը, իսկ հետո կմեկնի Ադրբեջան՝ փետրվարի 10-11-ը:

Թուրքիայի սահմանից մինչև Ադրբեջանի ու Հայաստանի սահմաններ տանող ճանապարհների գրեթե բոլոր հիմնական հատվածների շինարարությունը կավարտվի մինչև 2030 թվականի վերջը։ Այս մասին հայտարարել է Վրաստանի վարչապետ Իրակլի Կոբախիձեն, հայտնում է Վրաստանի Առաջին ալիքը։