Չեչնիայի իշխանությունները նախօրեին հայտնել էին, որ «Ռամզան Կադիրովի հանձնարարությամբ պատրաստ են ֆինանսական և այլ օգնություն ցուցաբերել Բաքվից Գրոզնի թռչող AZAL-ի ինքնաթիռի վթարի հետևանքով բոլոր զոհվածների և վիրավորների ընտանիքներին» ։

Ինչպես հայտնի է դարձել Caliber.Az-ի խմբագրությանը՝ կառավարական հավաստի աղբյուրներից, հետաքննության նախնական արդյունքների հիման վրա պարզվել է, որ Բաքու-Գրոզնի երթուղով չվերթ իրականացնող AZAL-ի ինքնաթիռը գրոհի է ենթարկվել Գրոզնի քաղաքի մոտենալու ժամանակ՝ ռուսական ՀՕՊ-ի «Панцирь-С» համակարգի օգնությամբ: Ավելին, ռուսական կողմից՝ ռադիոէլեկտրոնային պայքարի համակարգերի կիրառման արդյունքում՝ ադրբեջանական ինքնաթիռի կապի համակարգն ամբողջությամբ կաթվածահար է եղել։ Հենց այս հանգամանքի պատճառով էլ ինքնաթիռն անհետացել է ռադարներից ռուսական ավիացիոն տարածքում, և այն հայտնաբերվել է միայն Կասպից ծովի տարածքում։

Ղազախստանի Ակտաու քաղաքի մերձակայքում ադրբեջանական Embraer 190 ինքնաթիռի վթարի հետևանքով զոհվածների և վիրավորների հետ կապված հարցերն արագ լուծելու նպատակով ստեղծվել է չորս օմբուդսմեններից բաղկացած աշխատանքային խումբ։