Մեծ Բրիտանիայի արտաքին գործերի նախարար Դեյվիդ Լեմմին հոդված է հրապարակել, որտեղ մանրամասնորեն դիտարկել է միջազգային հարաբերությունների հարցերը։ Հոդվածում նա կենտրոնանում է իմպերիալիզմի ժառանգության հաղթահարման կարևորության վրա, դատապարտում է երկրների ինքնիշխանությունը ճնշելուն ուղղված գործողությունները և զուգահեռներ անցկացնում ժամանակակից հակամարտությունների հետ։ Մեծ Բրիտանիայի ԱԳՆ ղեկավարը նաև ընդգծում է, որ 21-րդ դարում բոլոր երկրները, անկախ իրենց չափերից և աշխարհաքաղաքական դիրքից, պետք է իրավունք ունենան ընտրելու իրենց ուղին և մշակելու իրենց արտաքին քաղաքական ռազմավարությունը։