Ինչպես հաղորդում է Zinvor.info-ն, այս մասին ասվում է Ադրբեջանի ԱԳՆ հայտարարության մեջ՝ կապված Ֆրանսիայի Եվրոպայի և արտաքին գործերի նախարար Քեթրին Կոլոննայի արտահայտած մեղադրանքների հետ։

«Ֆրանսիացի նախարարի հայտարարությունն այն մասին, որ Ադրբեջանի Ղարաբաղի տարածաշրջանը ինքնակամ լքած հայերի հեռանալը, առանց որևէ ուժի կիրառման, ծրագրված է եղել Ադրբեջանի կողմից, ցույց է տալիս, որ հակառակ միջազգային կազմակերպությունների կարծիքին և անգամ Հայաստանի վարչապետի սեպտեմբերի 21-ի հայտարարությանը՝ Ֆրանսիան գործում է իր նենգ քաղաքականությունը շարունակելու շահերից ելնելով:

Անհնար է պատկերացնել, որ Ֆրանսիան, որը աջակցում էր Հայաստանին, որը օկուպանտ կողմ էր, հիմա խոսում է արդարադատության և միջազգային իրավունքի մասին։

Ղարաբաղյան 44-օրյա պատերազմից հետո, վերջին երեք տարիների ընթացքում ֆրանսիական կողմը՝ ՄԱԿ-ի Անվտանգության խորհրդում անհիմն նախաձեռնություններով հանդես գալու փոխարեն, պետք է Հայաստանին ուղղեր անօրինական գործողություններին վերջ տալու և հայկական զինված ուժերը մեր տարածքներից դուրս բերելու համար։ Եվ այդպիսով դա իրական ներդրում կլիներ տարածաշրջանում խաղաղության և անվտանգության ապահովման գործում։

Ֆրանսիական կողմին ևս մեկ անգամ հիշեցնում ենք, որ Ադրբեջանի հետ սպառնալիքների և ճնշման լեզվով խոսելը որևէ արդյունքի չի կարող բերել, և նման ապակառուցողական գործողությունները պետք է անհապաղ դադարեցվեն։

Մեր երկրի ինքնիշխանության և տարածքային ամբողջականության դեմ ուղղված բոլոր քայլերը վճռականորեն կկանխվեն»,- ասված է ԱԳՆ հայտարարության մեջ։