Zinvor.info-յի փոխանցմամբ՝ նախագահ Իլհամ Ալիևը, շնորհավորելով բնակիչներին, ասել է.

-Նախ շնորհավորում եմ ձեզ, բարի գալուստ հայրենիք։ Երեսուն տարի կարոտով ապրած մարդիկ արդեն վերադարձել են իրենց նախնիների հողերը և ապրում են այստեղ։ Հինգ օր առաջ Ֆիզուլիի բնակիչների առաջին խումբը հաստատվեց Ֆիզուլիում, տեղավորվեց գեղեցիկ տներում, և այսուհետ դուք խաղաղ կապրեք այստեղ։ Դուք արժանի եք դրան:

Ուզբեկստանի Հանրապետության նախագահ Շավքաթ Միրզիյոևն ասել է.

- Իմ թանկագին ընկեր և եղբայր Իլհամ Ալիևի հետ ուղևորությունը Ղարաբաղ, Ֆիզուլի, իմ սրտում ամենանվիրական ցանկություններից էր։ Եղբորս ուսերին դրված էին դժվարին առաջադրանքներ՝ հանուն այս Հաղթանակի։ Բայց արդարությունն ու ճշմարտությունը վերականգնելու նրա բոլոր ջանքերի արդյունքը դարձավ եղբորս հաղթանակը Ղարաբաղում։ Այս Հաղթանակը կարող է նվաճել միայն իր Հայրենիքի մեծ զավակը, իր ժողովրդին շատ սիրող իմաստուն նախագահը։ Մենք հպարտ ենք, որ ունենք նման եղբայր-նախագահ:

Եղբորս հաղթանակից հետո երազում էի դպրոց կառուցել՝ ի նշան երկու ժողովուրդների մեծության, որպեսզի նրանց բարեկամությունը շարունակվի նաև ապագայում։ Այսօր երազանքս իրականացավ: Շնորհավորում եմ ձեզ վերադարձի և հաղթանակի կապակցությամբ։ Ձեր հետագա բարեկեցիկ կյանքի համար իմ եղբայր Իլհամ Հեյդար օղլուն տարեցտարի բարձրացնում է Ադրբեջանի հեղինակությունն աշխարհում։ Կատարված աշխատանքը հիանալի օրինակ է, և մենք միայն ուրախ ենք լսել այս լավ լուրը, տեսնել այս հիանալի աշխատանքը:

Ճիշտ կլինի ասել, որ այս դպրոցը մեր անկեղծ բարեկամության ապագայի հուշարձան է դառնալու։ Օգտվելով առիթից՝ ես այս դպրոցում սովորող երեխաներին հրավիրեցի տարին երկու անգամ գալ Ուլուգբեկի հայրենիք՝ Ուզբեկստան, Սամարղանդ։ Եվս մեկ անգամ եղբորս խնդրում եմ՝ շատ ուրախ կլինեմ, եթե երեխաները գան իրենց ծնողների հետ։