Ինչպես
Zinvor.info-յին հայտնել են ԱԳՆ-ից, հեռախոսազրույցի ընթացքում քննարկվել են որոնողափրկարարական աշխատանքների ընթացքը երկրաշարժից տուժած շրջաններում, մարդասիրական օգնություն ցուցաբերելու հարցեր։
Ջեյհուն Բայրամովը ևս մեկ անգամ ցավակցություն է հայտնել երկրաշարժի հետևանքով բազմաթիվ զոհերի կապակցությամբ, վիրավորներին մաղթել շուտափույթ ապաքինում։ Նա նշել է, որ Ադրբեջանը, ինչպես միշտ, այս դժվար օրերին էլ եղբայրական Թուրքիայի կողքին է և շարունակելու է իր աջակցությունը տարերային աղետի հետևանքների վերացման հարցում։ Ջեյհուն Բայրամովը վստահություն է հայտնել, որ Թուրքիան կդիմանա նաև այս ծանր փորձությանը։
Հեռախոսազրույցի ընթացքում Մևլութ Չավուշօղլուն մանրամասն խոսել է երկրաշարժի գոտում տիրող իրավիճակի, փրկարարական աշխատանքների ընթացքի մասին։ Մտքերի փոխանակում է տեղի ունեցել նաև տարածաշրջանում տիրող իրավիճակի և փոխադարձ հետաքրքրություն ներկայացնող այլ հարցերի շուրջ։