Լրատվամիջոցներ. Ռումինիայի նախագահը կայցելի Ադրբեջան
|
|
Ռումինիայի նախագահ Կլաուս Յոհանիսը փետրվարի 2-3-ը կայցելի Ադրբեջան, «Ինտերֆաքս» գործակալությանը հայտնել է դիվանագիտական աղբյուրը։
|
«Ադրբեջանի նախագահ Իլհամ Ալիևի հրավերով 2023 թվականի փետրվարի 2-3-ը պաշտոնական այցով Ադրբեջան կժամանի Ռումինիայի նախագահ Կլաուս Յոհանիսը»,-հայտնել է աղբյուրը։
Այցի ընթացքում նախատեսվում են բանակցություններ Ալիևի և Յոհանիսի միջև, երկու երկրների նախագահները կքննարկեն երկկողմ համագործակցության հետագա զարգացումը այնպիսի ոլորտներում, ինչպիսիք են էներգետիկան, տրանսպորտը, առևտուրը, ներդրումները, թվայնացումը, գյուղատնտեսությունը, կրթությունը և մշակույթը։
Պետությունների ղեկավարները կքննարկեն նաև տարածաշրջանային նախագծերի իրականացումը, ինչպիսին է Սև ծովի հատակով էլեկտրական մալուխի անցկացման նախագիծը, կարծիքներ կփոխանակեն թվային ոլորտում նմանատիպ նախագծեր նախաձեռնելու շուրջ։
Հեշթեգներ.
Ռումինիա
Ադրբեջան