Կազմակերպությանն ուղղված
Zinvor.info-յի հարցին ի պատասխան նշվել է, որ այդ խումբը Հայաստան ուղարկելու որոշումը կայացվել է ոչ թե ԵԱՀԿ համապատասխան մարմինների կամ ԵԱՀԿ քարտուղարության կողմից, այլ ԵԱՀԿ գործող նախագահի նախաձեռնությամբ։
ԵԱՀԿ քարտուղարը նշել է, որ Մշտական խորհուրդը, որը որոշում կայացնող մարմինն է, նման որոշում չի ընդունել, խումբը ԵԱՀԿ մանդատ չունի, ավելին, ԵԱՀԿ բյուջեից միջոցներ չեն ծախսվել դրա համար։ Նշվել է, որ խմբի ծախսերը կատարվել են արտաբյուջետային միջոցների հաշվին, ԵԱՀԿ որոշ անդամ պետությունների կողմից։
Ինչպես տեսնում եք, այս հարցում ադրբեջանական կողմի դիրքորոշումը ԵԱՀԿ-ին ստիպեց վերանայել իր որոշումը։ Դրան զուգահեռ, ԵԱՀԿ-ն հեռացրել է այդ խմբի ուղարկման մասին հայտարարությունը պաշտոնական էջից։
Այս արդյունքի հասնելու համար, անկասկած, առանձնահատուկ դեր է խաղացել ադրբեջանական կողմի աշխատանքը վերջին երկու ամիսների ընթացքում։ Ինչպես հայտնի է, հոկտեմբերի 20-ին Ադրբեջանի ԱԳՆ-ն կոշտ է արձագանքել այդ խմբի գործուղման հետ կապված ԵԱՀԿ պաշտոնական կայքում հրապարակված տեղեկատվությանը։
ԱԳՆ-ից հայտնել են, որ նման առաքելություն ուղարկելու հարցը երբեք չի քննարկվել ԵԱՀԿ որևէ մարմնի կողմից, որը կոլեկտիվ որոշումներ է կայացնում այդ հարցով։ Նշվել է, որ առանց ԵԱՀԿ մանդատի՝ ուղարկված առաքելությունը, ի հեճուկս Հայաստանի հայտարարությունների, ոչ մի կերպ չի կարող կապված լինել ԵԱՀԿ-ի հետ։