Ինչպես տեղեկացնում է
Zinvor.info-ն՝ վկայակոչելով «Ազերթաջ» լրատվական գործակալությանը, նամակում ասվում է.
«Մենք հատուկ նշանակություն ենք տալիս Արաբական Միացյալ Էմիրությունների հետ մեր բարեկամական հարաբերություններին, որոնք հիմնված են փոխադարձ վստահության և աջակցության վրա։ Վերջին երեսուն տարիների ընթացքում ամրապնդվել են կրոնական և մշակութային արմատներով կապված մեր երկրների հարաբերությունները, փոխադարձ հետաքրքրություն ներկայացնող տարբեր ոլորտներում մեր համագործակցությունը զարգացել է դինամիկ և կայուն։
Վստահ եմ, որ մենք կշարունակենք մեր համատեղ ջանքերը՝ ուղղված մեր միջպետական հարաբերությունների հետագա զարգացմանը, համագործակցության ընդլայնմանը՝ ինչպես երկկողմ, այնպես էլ բազմակողմ հիմունքներով»։