Այս մասին Zinvor.info-յին հայտնել է ԱՀ արտաքին գործերի նախարարության մամուլի ծառայության ղեկավար Լեյլա Աբդուլաևան։

«Ինչպես ավելի վաղ հաղորդվել էր, որպես հաջորդ քայլ՝ օրեր առաջ Ադրբեջանը Հայաստանին է ներկայացրել երկու պետությունների միջև հարաբերությունների հաստատման հիմնարար սկզբունքների վերաբերյալ առաջարկ:

- Պետությունների կողմից միմյանց ինքնիշխանության, տարածքային ամբողջականության, միջազգային սահմանների անձեռնմխելիության և քաղաքական անկախության փոխադարձ ճանաչում;

- Պետությունների կողմից միմյանց նկատմամբ տարածքային պահանջների բացակայության փոխադարձ հաստատում և իրավական պարտավորության ընդունում, որ հետագայում նման պահանջ չի ներկայացվի;

- Զերծ մնալ միջպետական հարաբերություններում միմյանց անվտանգությանը սպառնալիքից, քաղաքական անկախության և տարածքային ամբողջականության դեմ սպառնալիքներ և ուժ կիրառելուց, ինչպես նաև այլ հանգամանքներից, որոնք չեն համապատասխանում ՄԱԿ-ի կանոնադրության նպատակներին;

- Պետական սահմանի սահմանագծում և սահմանազատում, դիվանագիտական հարաբերությունների հաստատում;

- Տրանսպորտի և կոմունիկացիաների բացում, համապատասխան այլ հաղորդակցությունների ստեղծում և համագործակցության հաստատում՝ փոխադարձ հետաքրքրություն ներկայացնող այլ ոլորտներում;

Կուզենայի նշել, որ հենց այս հիմնարար սկզբունքների հիման վրա է, որ երկու երկրները ինտենսիվ, առարկայական և արդյունքի կողմնորոշված բանակցություններ վարելուց հետո կարող են կնքել երկկողմ խաղաղության համաձայնագիր»,- հայտարարել է Ադրբեջանի ԱԳՆ ներկայացուցիչը։