Ուկրաինայի ադրբեջանցիների միացյալ կոնգրեսի (ՈՒԱՄԿ) և Հասարակական-քաղաքական գործընթացների և միջազգային հետազոտությունների կենտրոնի կողմից կազմակերպված միջոցառմանը մասնակցել են գիտնականներ, հասարակական և քաղաքական գործիչներ, հայտնում է Zinvor.info-ն։

Ուկրաինայի Գերագույն Ռադայի պատգամավոր Յուրի Կամելչուկը հայտարարել է, որ տեղյակ է Խոջալուի ցեղասպանության մասին. «1992 թվականի ձմռանը և՛ Ադրբեջանը, և՛ Ուկրաինան դեռևս գտնվում էին ավելի հզոր և ուլտրատոտալիտար երկրների կործանարար ազդեցության տակ։ Ադրբեջանական Խոջալու քաղաքում տեղի ունեցած արյունալի իրադարձությունները չեն կարող մոռացվել: Խաղաղ բնակչության կոտորածը ղարաբաղյան պատերազմի ամենադաժան ու արյունալի իրադարձությունն է: Խոջալուի գնդակոծությունը սկսվել է ժամը 23:00-ին, և ընդամենը հինգ ժամում սպանվել է ավելի քան 500 ադրբեջանցի, այդ թվում՝ կանայք, ծերեր և երեխաներ։ Ինչ վերաբերում է այն հարցին, թե ինչ կարող ենք անել, որպեսզի զանգվածային սպանությունները չկրկնվեն, ես համոզված եմ, որ մեր հիմնական խնդիրն է վերացնել պատերազմների ու հակամարտությունների պատճառները։ Բարեկամությունն ու դիվանագիտականհարաբերությունները, ներդրումները կարող են քայլ լինել դեպի կայուն խաղաղություն։ Ադրբեջանն ու Ուկրաինան հստակորեն հասել են դրան»,- հայտարարել է պատգամավորը: