Դեսպան. Ֆրանսիան առաջարկել է համագործակցել ANAMA-ի հետ

Դեսպան. Ֆրանսիան առաջարկել է համագործակցել ANAMA-ի հետ

09:56 09 02 2022

«Փետրվարի 7-ին Ադրբեջանի կողմից 8 հայ զինվորների վերադարձը և ֆրանսիական ինքնաթիռով Երևան ուղարկելը լավ նորություն էր այն լարվածության համատեքստում, որի մեջ մենք այժմ գտնվում ենք Եվրոպայում»։

Caliber.Az-ի փոխանցմամբ, այս մասին հայտարարել է՝ Ադրբեջանում Ֆրանսիայի դեսպան Զաքարի Գրոսը։

Ֆրանսիացի դիվանագետը նշել է, որ երկու կողմերից բարի կամքի նման ժեստերը պայմաններ կստեղծեն՝ Ադրբեջանի և Հայաստանի դեպի խաղաղություն առաջխաղացման համար։

Դեսպանը նշել է, որ Ֆրանսիան բարձր է գնահատում Ադրբեջանի այս ժեստը։

«8 հայ զինվորների վերադարձը պահանջում է ուժեղ քաղաքական կամք, ինչպես նաև այնպիսի ոլորտներում, ինչպիսիք են սահմանին լարվածության նվազեցումը, սահմանազատումը և սահմանագծումը, Ադրբեջանի և Հայաստանի միջև ենթակառուցվածքային գծերի բացումը», - հավելել է Զաքարի Գրոսը։

Նա նշել է, որ խաղաղ գործընթացին անցումը հումանիտար ոլորտում այլ բեկումների կհանգեցնի։ Զաքարի Գրոսն ասել է, որ Ֆրանսիան առաջարկ է արել համագործակցել ANAMA-ի հետ՝ ականազերծման և ականներից տուժածներին օգնության ոլորտում։

Zinvor.info

Հեշթեգներ. ANAMA Ադրբեջան Ֆրանսիա

Նման լուրեր