Բրյուսելից նախօրեին ուշ երեկոյան ստացվեց բավականին անսպասելի տեղեկություն, որ Ֆրանսիայի նախագահ Էմանուել Մակրոնի հովանու ներքո տեղի է ունեցել Հայաստանի վարչապետ Նիկոլ Փաշինյանի և Ադրբեջանի նախագահի Իլհամ Ալիևի նոր հանդիպում: Այդ հանդիպումից հետո Ֆրանսիայի նախագահը գրառում է արել սոցցանցում, նշելով, որ Ֆրանսիան չի լքի հայերին: Մակրոնը նաև հավաստիացրել է տևական խաղաղության ուղղությամբ ջանքի մասին: Ի՞նչ է պատահել, որ Ֆրանսիայի նախագահը թերևս շտապ մեկնել է Բրյուսել Հայաստանի և Ադրբեջանի նախագահների հանդիպում կազմակերպելու համար: Նշում եմ շտապ, որովհետև մինչ այդ որևէ ակնարկ իսկ չկար, թե կարող է լինել այդպիսի հանդիպում:
